Mae ein cig oen melys a blasys, gyda pherlysiau persawrus y bryniau yn enwog yng Nghymru a thu hwnt. Dyma ardal sydd â chysylltiadau cryf ag amaethyddiaeth, ac rydym yn falch iawn i allu cynnig cynhwysion lleol a ffres. Dyma reswm da i godi chwant am bryd o fwyd yn y dafarn leol neu i grwydro un o nifer o’n ffeiriau bwyd.

Mae ein marchnadoedd ffermwyr wastad wedi bod yn farchnadoedd y ffermwyr go iawn, a dyma fydd hi yn y dyfodol.  Daw hi’n amlwg pam ein bod yn gadael nhw fel y maen nhw, wrth i chi grwydro’r stondinau gydag arogleuon cig moch cartref a chaws yn taro’ch synhwyrau a’r llygaid yn gwledda ar lysiau cartref.

Gyda chyfle i sgwrsio ac i flasu, mae marchnadoedd y ffermwyr yn llefydd i’w trysori i’r hen a’r ifanc.

Mae gwledd i siopwyr yng Nghanolbarth Cymru a Bannau Brycheiniog. Fe welwch rai siopau mawr, cyfarwydd, a hefyd nifer o siopau a ‘siopau bwtîg’ annibynnol sy’n gwerthu popeth ‘dach chi ei angen, yn ogystal â digon i’ch temtio hefyd!