Gyda nifer o lwybrau ceffyl yn mynd trwy’r ardal hardd hon, nid yw’n syndod fod canolfannau merlota a stablau marchogaeth yma. Gallwch ddilyn Taith y Tair Afon, sy’n mynd i mewn i Barc Cenedlaethol Bannau Brycheiniog yn Hay Bluff ac yn gorffen yn y Ganolfan Ymwelwyr yn Libanus neu Daith Coedwig Maesyfed, lle mae’n bosibl marchogaeth am dros 100 milltir erbyn hyn.

Dewch â’ch ceffyl gyda chi, gan aros yn un o’r lletyau Gwely a Brecwast i geffylau yn yr ardal, neu gallwch logi ceffylau ac arweinydd. Gellir bwcio llety i chi ar y ffordd, felly'r cwbl sydd angen i chi ei wneud yw mwynhau’r golygfeydd a’r profiad o farchogaeth y Cobiau Cymreig hardd.

Mae Gyrru Cerbyd hefyd yn boblogaidd, gyda Choedwigoedd Dyfnant, Crychan a Maesyfed yn cynnig lleoliadau gwych, ac mae rhestr lawn o rasys trotio yn yr ardal i’w gweld yn http://www.welsh-trotting.co.uk.