Mae gan Ganolbarth Cymru dair o Ganolfannau Gwyliau Seiclo newydd Cymru – yn ABERHONDDU, RHAEADR a THREF-Y-CLAWDD/LLANANDRAS.
Maent oll yn cynnig 5 taith cylch diwrnod i chi eu mwynhau, gan eu gwneud yn lleoliad delfrydol ar gyfer gwyliau gyda theulu a chyfeillion.

Mae MACHYNLLETH, BANNAU BRYCHEINIOG, RHAEADR GWY a LLANWRTYD yn hafan i feicwyr mynydd, gyda’u mynyddoedd a’u coedwigoedd yn cynnig amrywiaeth o lwybrau beicio pwrpasol sydd ag arwyddion ar eu hyd.

Mae rhywbeth go bleserus am ddilyn eich trwynau ar gefn beic, yn ddigon uchel i sbïo dros y gwrychoedd, a’r coesau’n ddigon prysur i gyfiawnhau cacen flasus wedi hynny, heb braidd unrhyw gar mewn golwg a llwybrau seiclo di-draffig.